Sot në Mitrovicë është shënuar 6 Qershori, Dita e Dëshmorëve, një ditë e shënuar që përkujton me nderim dhe krenari të gjithë ata që ranë për lirinë e atdheut.
Përfaqësues të komunës, të prirë nga kryetari Bedri Hamza, bënë homazhe pranë varrezave të dëshmorëve, duke përkujtuar sakrificën e bijve dhe bijave të Mitrovicës që dhanë jetën për lirinë dhe pavarësinë e Kosovës.
“Kjo është njëkohësisht një ditë feste dhe krenarie. Ndjejmë respekt të thellë dhe mirënjohje për të gjithë dëshmorët tanë. Ata janë dhe do të mbeten përherë frymëzim për brezat e sotëm dhe të ardhshëm,” u shpreh kryetari Hamza gjatë fjalimit të tij.
Ceremonia u shoqërua me pjesëmarrje të madhe të qytetarëve, familjarëve të dëshmorëve, veteranëve të luftës dhe përfaqësuesve të institucioneve lokale.
Respekt dhe nderim për të gjithë ata që dhanë jetën për lirinë tonë!
