Kryeshefi i Agjencisë, Osmani, i ka thënë kryetarit Kastrati, se aktualisht Arkivi rajonal i Mitrovicës funksionon në një hapësirë shumë të ngushtë dhe jo adekuate dhe se objekti ku është i vendosur, është shumë i dëmtuar, andaj shtrohet nevoja e meremetimit sa më të shpejt të tij.
Mitrovicë, 19 gusht
Meremetimi i Arkivit Rajonal të Mitrovicës, që funksionon në kuadër të Agjencisë Shtetërore të Arkivave të Kosovës, ka qenë temë e bisedës ndërmjet kryetarit të Komunës, Avni Kastrati dhe dr Jusuf Osmani, kryeshef i kësaj agjencie, që është zhvilluar të enjten në ambientet e Kuvendit të Komunës, në Mitrovicë.
Kryeshefi i Agjencisë, Osmani, i ka thënë kryetarit Kastrati, se aktualisht Arkivi rajonal i Mitrovicës funksionon në një hapësirë shumë të ngushtë dhe jo adekuate dhe se objekti ku është i vendosur, është shumë i dëmtuar, andaj shtrohet nevoja e meremetimit sa më të shpejt të tij.
Ai e ka njoftuar kryetarin Kastrati se ka kërkuar nga Qeveria e Kosovës 75.000 euro për adaptimin e objektit të arkivit në Mitrovicë, duke kërkuar njëkohësisht edhe mbështetjen e komunës për këtë qëllim.
Kryetari Kastrati ka thënë se e mbështet nismën e tij dhe se do të bëjë çmos që komuna të kontribuoj materialisht në meremetimin e arkivit, pasi që kjo është në interes të gjithëve e para së gjithash të komunës.
