Dëgjimi i parë buxhetor u mbajt për fushën e Arsimit, Kulturës Rinisë dhe Sportit. Interesimi i qytetarëve, OJQ-ve dhe Asociacioneve tjera ishte mjaft i madh, kështu që salla e Kuvendit të Komunës ishte e vogël për t’i pranuar të gjithë.
Nënkryetari i komunës Faruk Mujka, ju tha të pranishmeve se qëllimi i këtij takimi është që qytetarët në mënyrë të drejtpërdrejt të bëjnë propozimet për planifikimin e buxhetit për vitin 2019 në fushën e Arsimit, Kulturës, Rinisë dhe Sportit, duke i shpalosur nevojat konkrete dhe projektet që duhet realizuar në institucione dhe jashtë tyre.
Për buxhetin në përgjithësi dhe për mënyrën e krijimit dhe shpërndarjes së tij, folën drejtori i Drejtorisë për Financa, Shukri Gashi dhe zyrtari kryesor financiar Adem Fazliu .
Buxheti i komunës për vitin 2019, planifikohet të jetë 19.728.816 euro. Burimet e fondit të buxhetit janë nga grandet qeveritare 87.51 për qind ose 17.264.413 euro dhe nga të hyrat vetjake 12.49 për qind ose 2.464.403 euro.
Lidhur me buxhetin e planifikuar për vitin 2019 pati mjaft diskutime të frytshme, kështu, Lulzim Hoti nga OJQ “7 Artet” kërkojë që të ndahet enkas buxheti për implementimin e fuqizimin e strategjisë për Kulturë e Turizëm për periodën 2018-2022.
Hafire Musliu nga SHFMU ”Ismail Qemaili”, tha se është e domosdoshme të ndahet buxhet për gëlqerosjen e shkollës dhe renovimin e tavanit në sallën e Edukatës Fizike si dhe vendosjen e kamerave të sigurisë jashtë dhe brenda objekti shkollore.
Reshat Sadiku, nga Klubi i bilardos “Trepça”, kërkojë mbështetje financiare pasi që kanë pas deri tani suksese dhe janë në rrugë të mirë për të shkuar edhe më përpara.
Ismail Hajdari nga SHFMU, ”Xhevat Jusufi”, në Bare, kërkojë për ndarjen e mjeteve buxhetore për meremetimin e aneksit shkollor, vendosjen e shenjave afër objektit shkollor dhe rregullimin trotuareve.
Driton Barani, banorë në rrugën “Salih Çeku”, kërkojë që investimet kapitale të bëhen prioritet sipas nevojave të institucioneve arsimore dhe të kulturës.
Taib Kabashi, kërkojë që të rritet buxheti i DKRS- për vitin e ardhshëm si dhe të bëhet ngrohja e palestrës sportive, në mënyrë që sportistët të kenë kushte normale për aktivitet e tyre edhe gjatë sezonës së dimrit.
Xhevdet Zeneli, nga fshati Selac kërkoj rregullimin e fushës sportive në oborr të shkollës si dhe ndriçimin e dyerve dhe dritares së shkollës.
Numri i qytetarëve që diskutuan ishte mbi 50 sish të cilët paraqitën propozimet e tyre për të gjitha segmentet në fushat për të cilat ishte caktuar dëgjimi publik.
