Kryetari i Komunës, Faton Peci, së bashku me Drejtorin për Kulturë, Rini dhe Sport, Gazmend Asllani, morën pjesë në aktivitetin e organizuar në Muzeun e Qytetit, me rastin e shënimit të Ditës Ndërkombëtare të Muzeve.
Ky muze, i cili së fundmi është bërë pjesë e rrjetit të muzeve evropiane, mirëpriti edhe ekspozimin e punimeve të grave të grupit të thurjes “Vegza”.
Në fjalën e tij, kryetari Faton Peci, tha se në çdo punim të grave të grupit të thurjes “Vegza” ka dashni, përkushtim e shumë mund.
“Grupi i thurjes “Vegza” nuk janë vetëm art, por dëshmi e kreativitetit, durimit dhe shpirtit krijues të grave tona, që prej gjeneratash kanë ruajtur e përcjellë traditën shqiptare përmes punës së dorës”, është shprehur kryetari Peci.
Ruajtja e kulturës është vlerë e shtuar për një shoqëri.
