Kryetari i Komunës së Mitrovicës, z.Faton Peci, i cili të premten mori zyrtarisht detyrën, sot u vizitua nga Presidentja e Republikës së Kosovës, znj.Vjosa Osmani.
Gjatë vizitës zyrtare në Komunën e Mitrovicës, Presidentja znj.Osmani e uroi Kryetarin z.Peci për marrjen e detyrës së re, duke i dëshiruar suksese në ushtrimin e përgjegjësive dhe në realizimin e prioriteteve në shërbim të qytetarëve të Mitrovicës.
Në takim u bisedua për projekte konkrete dhe adresimin e sfidave për shërbime dhe mirëqenie më të mirë për qytetarët.
Kryetari i komunës z.Faton Peci falënderoi Presidenten znj.Osmani për vizitën dhe përkrahjen institucionale, duke theksuar angazhimin e tij për një qeverisje gjithëpërfshirëse dhe zhvillim të qëndrueshëm të Mitrovicës.
Të dy palët shprehën gatishmëri për bashkëpunim të ngushtë në funksion të interesit publik dhe përparimit të komunës.
