Pjesëmarrës në këto gara ishin 17 ekipe garuese nga shkolla të ndryshme të Komunës së Mitrovicës, me mbi 180 nxënës.
Ky aktivitet sportiv është mbështetur nga Komuna e Mitrovicës, përkatësisht Drejtoria për Kulturë, Rini dhe Sport, me qëllim të nxitjes së të rinjve në sport dhe zhvillimit të sportit shkollor.
Në këtë ngjarje sportive ka qenë i pranishëm drejtori i DKRS-së, z. Gazmend Asllani, i cili ndau medaljet dhe kupat për ekipet fituese, duke përgëzuar pjesëmarrësit për garën shembullore.
“Vazhdimisht do të investojmë dhe përkrahim çdo iniciativë që fuqizon rininë dhe sportin në qytetin tonë”, u shpreh Asllani.
Ky organizim u realizua në bashkëpunim me sportin shkollor dhe KB Trepça, ndërsa për sigurinë u përkujdesën Policia e Kosovës dhe QKMF.
