Kryetari i komunës, z. Faton Peci, së bashku me nënkryetarin z. Enis Osmani dhe drejtoreshën e Bujqësisë, znj. Remzije Tmava Tupella morën pjesë në ceremoninë e shpërndarjes së pajisjeve bujqësore për 28 gra fermere përfituese.
Ky aktivitet u realizua nga UN FAO (Organizata e Kombeve të Bashkuara për Ushqim dhe Bujqësi) në partneritet me UN Women financuar nga ADA (Agjencioni Austriak për zhvillim).
Në fjalën e tij, kryetari z. Faton Peci, theksoi rëndësinë e përfshirjes dhe fuqizimit të grave fermere në bujqësi, duke vlerësuar rolin e gruas në shoqëri dhe kontributin drejtpërdrejt në ekonomi.
Ai po ashtu potencoi se vitin e ardhshëm Komuna e Mitrovicës do të rris buxhetin për bujqësi 100% dhe fokusi do të jetë në sektorët që merren me prodhimtari.
