Komuna e Mitrovicës nderon kujtimin e banorëve shqiptarë në veri të Mitrovicës që u përballën me dhunë, vrasje dhe spastrim etnik gjatë Natës së Tmerrit, në periudhën ndërmjet 3 dhe 4 shkurtit të vitit 2000.
Në këtë ngjarje tragjike u vranë 10 qytetarë, u plagosën 25 të tjerë dhe rreth 12,000 banorë u detyruan të lëshojnë shtëpitë e tyre në veri.
Në nderim të dhimbjes, sakrificës dhe guximit të banorëve tanë, Komuna e Mitrovicës organizon aktivitetet përkujtimore më 4 shkurt 2026:
• Ora 11:00 – Vendosja e pllakës përkujtimore tek ura e re për këmbësorë.
• Ora 12:00 – Ekspozitë me fotografi nga “Nata e Tmerrit” në Qendrën e Kulturës.
Ndezja e qirinjve tek ura e re.
Kryetari i Komunës, z.Faton Peci, ka publikuar aktivitetet edhe në rrjetin social Facebook, duke ftuar qytetarët të marrin pjesë në këtë përvjetor.
Këto aktivitete shërbejnë si kujtesë e dhimbjes dhe sakrificës në mbrojtje të lirisë dhe pronës.
