Në kuadër të përkushtimit të vazhdueshëm për rritjen e cilësisë, efikasitetit dhe sigurisë së shërbimeve shëndetësore për qytetarët, Drejtoria e Shëndetësisë, në bashkëpunim me Qendrën Kryesore të Mjekësisë Familjare “Dr. Nexhat Çuni”, ka përforcuar Sektorin e Urgjencës përmes aktivizimit të autoambulancës së dytë, të pajisur me ekip përkatës.
Nga ora 08:00 deri në ora 24:00, shërbimi i Urgjencës do të funksionojë me dy autoambulanca dhe dy ekipe, duke mundësuar reagim më të shpejtë, mbulim më të gjerë dhe ofrim më efikas të shërbimeve ndaj rasteve që kërkojnë ndërhyrje dhe transport urgjent.
Aktivizimi i autoambulancës së dytë paraqet një hap të rëndësishëm në forcimin e kapaciteteve të shërbimit emergjent, rritjen e gatishmërisë së ekipeve dhe përmirësimin e qasjes së qytetarëve në shërbimet urgjente shëndetësore.
