Nënkryetari i Komunës së Mitrovicës, Enis Osmani, së bashku me drejtoreshën për Siguri dhe Emergjenca, Fitore Mehmeti Behrami, kanë bërë të ditur nga terreni se ekipet përgjegjëse, zjarrfikësit dhe vullnetarët, që nga dje janë në vendngjarje për shuarjen e zjarreve në fshatrat Kutlloc, ku është lokalizuar zjarri, dhe Bajgorë.
Sipas Osmanit, ndërhyrja ka qenë e menjëhershme dhe po punohet me të gjitha kapacitetet për ta vënë situatën nën kontroll dhe për të parandaluar përhapjen e zjarrit në zonat tjera.
Osmani ka apeluar te qytetarët për kujdes të shtuar gjatë këtyre ditëve me temperatura të larta, duke shmangur çdo veprim që mund të shkaktojë zjarr.
Në rast se vëreni ndonjë vatër zjarri apo situatë që mund të rrezikojë përhapjen e tij, qytetarët ftohen të njoftojnë menjëherë ekipet përgjegjëse në numrin:
+383 28 530 129
