Sot, Komuna e Mitrovicës ka zhvilluar një aktivitet të rëndësishëm për pyllëzimin e zonës së Cërnushës dhe pastrimin e hapësirave publike, me qëllim përmirësimin e mjedisit dhe rritjen e vetëdijes qytetare për ruajtjen e natyrës.
Në këtë aksion morën pjesë Kryetari i Komunës z. Faton Peci, Ministrja e Mjedisit dhe Planifikimit Hapësinor znj. Fitore Pacolli dhe vullnetarë.
Kryetari i Komunës z. Faton Peci potencoi se “Pyjet janë klimë, jetë dhe mbrojtje”, duke theksuar rëndësinë jetike të tyre për të ardhmen e qytetit dhe brezave të ardhshëm.
Gjatë këtij aktiviteti u bë mbjellja e 300 fidanëve, ndërsa më pas vazhdoi aksioni i pastrimit në disa lokacione në qendër të qytetit, ku në mesin e vullnetarëve ishte kryetari i Komunës.
Ky aktivitet u realizua nga Komuna e Mitrovicës, përkatësisht Drejtoria për Mbrojtjen e Mjedisit, e udhëhequr nga drejtoresha znj. Arjeta Beqiri Hyseni, me moton “Së bashku për një Mitrovicë më të gjelbër!”
