Nën drejtimin e kryesuesit të Kuvendit Komunal, Jeton Ujkani, është mbajtur mbledhja e tretë e Komitetit për Politikë dhe Financa (KPF), në të cilën ishin të pranishëm nënkryetari i Komunës, Faruk Mujka, anëtarët e KPF-së dhe drejtorët e drejtorive komunale.
Pikat e rendit të ditës për këtë mbledhje, të propozuara nga kryesuesi, Jeton Ujkani, u aprovuan nga të gjithë anëtarët e KPF-së që ishin prezent.
Pikat e rendit të ditës ishin: Miratimi i procesverbalit nga mbledhja e kaluar; Draft-rregullore për ndryshim dhe plotësim të Rregullores Nr.03/2014, për caktimin e orareve të punës për subjektet afaristë në Komunën e Mitrovicës; Korniza Afatmesme Buxhetore 2019-2021; Strategjia për Kulturë dhe Turizëm 2018-2022.
Përveç katër pikave të rendit të ditës, të propozuara më parë, kryesuesi i Kuvendit, Jeton Ujkani, propozoi edhe një pikë që të futet në rendin e ditës dhe të diskutohet në Kuvend. Fjala ishte për një peticion që e kanë bërë banorët e ndërtesës 11 katëshe (ndërtesa afër shkollës fillore ”Bedri Gjinaj”), e cila është ndërtuar ilegalisht.
