Në prag të ndeshjes së vlefshme për kualifikimet e UEFA Women’s Champions League, kryetari Faton Peci, së bashku me drejtorin e Kulturës, Rinisë dhe Sportit, Gazmend Asllani vizituan futbollistet e KFF Mitrovica për t’u shprehur mbështetjen dhe për t’i përgëzuar për sukseset e arritura.
Gjatë vizitës, kryetari Peci vlerësoi përkushtimin dhe rezultatet e klubit, i cili është shpallur shtatë herë kampion i Kosovës, duke theksuar se paraqitja në garat evropiane është dëshmi e punës, disiplinës dhe cilësisë së futbollisteve mitrovicase.
Ai u uroi ekipit suksese në përballjen kundër skuadrës bullgare PFC Ludogorets, duke shprehur besimin se do ta përfaqësojnë denjësisht Mitrovicën dhe Kosovën në këtë garë prestigjioze.
Ndeshja ndërmjet KFF Mitrovica dhe PFC Ludogorets zhvillohet sonte, duke filluar nga ora 20:00, në stadiumin “Fadil Vokrri”, në kuadër të kualifikimeve për fazën e grupeve të UEFA Women’s Champions League.
Komuna e Mitrovicës u uron futbollisteve të KFF Mitrovica suksese dhe një paraqitje sa më të mirë në këtë sfidë të rëndësishme evropiane.
