Nën organizimin e IAAP “Hasan Prishtina”, dje u mbajt me sukses Kuizi i Diturisë “Mitrovica 2025”, një ngjarje madhore që mblodhi së bashku shkolla të mesme profesionale nga mbarë Kosova në një garë të njohurive ekonomike.
Pas një gare të fortë e tejet inspiruese, vendet e para u ndanë si më poshtë:
Vendi i parë: IAAP “Avdyl Ramaj” – Suharekë
Vendi i dytë: Qendra Kompetente “Kujtim Krasniqi” – Malishevë
Vendi i tretë: IAAP “Hoxhë Kadri Prishtina” – Prishtinë
Ky aktivitet tashmë tradicional, i cili u organizua për herën e gjashtë, dëshmoi edhe njëherë përkushtimin e mësimdhënësve dhe entuziazmin e nxënësve në fushën e arsimit profesional.
Drejtoresha e Arsimit në Komunën e Mitrovicës, znj. Drita Kadriu, uroi pjesëmarrësit dhe theksoi rëndësinë e këtyre aktiviteteve për zhvillimin e të rinjve.
“Sot në Mitrovicë u zhvilluan garat e nxënësve në fushën e ekonomisë. Nxënësit shkëlqyen falë mësimdhënësve të tyre, të cilët me pasion po e organizojnë këtë ngjarje për të gjashtën herë. Mirënjohje për secilin nxënës dhe mësimdhënës për angazhimin e dhënë.”
Shprehim mirënjohje të veçantë për të gjitha shkollat pjesëmarrëse, komisionin e mrekullueshëm, zyrtarët e arsimit dhe të gjithë ata që kontribuan në realizimin e këtij eventi të suksesshëm.
