Rruga “Azem Behrami” në Zhabar është kubëzuar, së bashku me degëzimin e saj, në kuadër të investimeve për përmirësimin e infrastrukturës rrugore në Komunën e Mitrovicës.
Nënkryetari i Komunës, Enis Osmani, gjatë kësaj vizite, së bashku me drejtorin e Shërbimeve Publike dhe Infrastrukturës, Naser Muja, ka bërë të ditur se në Zhabar janë planifikuar edhe investime të tjera infrastrukturore, të cilat do të realizohen gjatë këtij mandati.
Kjo rrugë lidhet me rrugën “Cenë Stantergu”, ku gjithashtu janë duke u zhvilluar punimet.
Punët për përmirësimin e infrastrukturës në të gjitha zonat e komunës do të vazhdojnë me qëllim të krijimit të kushteve më të mira për qytetarët.
