Në Sallën e Kuvendit të Komunës, u mbajt dëgjimi i dytë buxhetor publik, ku u diskutua rreth planifikimit të buxhetit komunal për vitet 2022-2024, në fushën e Shëndetësisë dhe të Mirëqenies Sociale.
Në këtë takim ishin të pranishëm zyrtari kryesor financiar, Adem Fazliu, drejtoresha për Mirëqenie Sociale dhe Integrime Evropiane, Fitore Mehmeti Behrami, përfaqësues nga DIEMS, nga personeli mjekësor i shëndetësisë primare, OJQ të ndryshme dhe qytetarë tjerë.
Në fjalën e tij, zyrtari kryesor financiar, Adem Fazliu, e njoftoi personelin mjekësorë të shëndetësisë primare si dhe atë të mirëqenies sociale dhe integrimeve evropiane me projeksionin e buxhetit komunal për vitin që vjen, për ndarjen e tij, përcaktimin në fushat kryesore dhe vështirësitë me të cilat përballet buxheti komunal në përmbushjen e kërkesave dhe nevojave.
Gjatë këtij takimi u diskutua kryesisht për identifikimin e kërkesave të shëndetësisë primare dhe mirëqenies sociale për projekte dhe subvencione për planifikimin e buxhetit 2022.
Derisa për pyetjet dhe sugjerimet e parashtruara nga ana e pjesëmarrësve, u janë përgjigjur përfaqësuesit nga drejtoritë përkatëse.
Rr. “Bedri Gjinaj” – Mitrovicë
028 532 104, 028 515 36
