Sot, në Sallën e Kuvendit të Komunës është mbajtur diskutimi publik me qytetarë për Draft-Rregulloren për Ndryshimin dhe Plotësimin e Rregullores Nr. 02/2022 për Menaxhimin e Mbeturinave.
Gjatë takimit u prezantuan ndryshimet e propozuara, me fokus në tarifat e shërbimit, përgjegjësitë e Komunës dhe operatorit të licencuar, menaxhimin e kontejnerëve dhe përmirësimin e shërbimeve të grumbullimit dhe transportimit të mbeturinave.
Qytetarët dhe të pranishmit paraqitën vërejtje, propozime dhe rekomandime lidhur me cilësinë dhe shtrirjen e shërbimit, tarifat, kontejnerët dhe trajtimin e lokacioneve me mbeturina.
Drejtoria për Mbrojtje të Mjedisit vlerësoi pjesëmarrjen dhe kontributin e qytetarëve në procesin e konsultimit publik dhe në rritjen e transparencës dhe gjithëpërfshirjes në vendimmarrjen lokale.
