Kryetari i Komunës së Mitrovicës, Faton Peci, ka bërë të ditur se investimet në infrastrukturën rrugore të Shalës po vazhdojnë me intensitet të lartë.
Punimet aktualisht janë duke u zhvilluar në fshatrat Kutlloc, Rashan dhe Bajgorë, ndërsa në fazën e dytë të projektit do të përfshihen edhe Kaçandolli, Maxhera, Batahir, Dedi dhe Ofqarë.
Për infrastrukturën rrugore të Shalës janë paraparë investime në vlerë prej 6 milionë eurosh, duke synuar përmirësimin e lidhjeve rrugore dhe krijimin e kushteve më të mira për zhvillimin e kësaj zone.
“Shala e harruar po e merr vëmendjen e merituar”, ka theksuar Peci.
